家賀屋刺身寿司專門店

家賀屋好耐之前依過一次覺得好味，所以今次約埋好友再勁食一次！ 首先係呢個特選鮪盛（$220），分別係大腩、中腩同吞拿魚，最普通既吞拿魚都無筋，中腩充滿著油份，大腩近乎入口即溶，鐘意食吞拿魚既你一定要食！有款軍艦我自己都幾鐘意—安格斯牛肉（$26/2件），因為佢既牛肉好嫩唔會過熟，配埋上面既京蔥絲一齊食，係幾驚喜！小食叫多左鰻魚玉子（$38）呢個都幾抵食，玉子唔會煎得唔會過老而且幾香，鰻魚份量都幾合理，唔錯！每次都必叫既梗係特選海鮮丼（$250），有成12款刺身，大腩同左口魚邊繼續係我既最愛，特大既赤蝦同鮑魚都好爽口，如果你有選擇艱難症就一定要叫呢個，咩都有嘛！總括黎講，如果你好鐘意食靚魚生既話，呢間價錢都算貼地，水準都保持得幾好，好難得！