大班樓 (已搬遷) 新店位置

預早兩星期訂位，同屋企人食餐好既，去到唔洗等，即刻入得。黎之前大概都睇左其他人既食評，都大概諗左叫乜野食。三蝦炒飯：好香，有鮮味，飯底亦都炒得好好，乾身得黎唔硬，而且入晒味。十八味豉油雞： 甜甜咸咸，比一般豉油雞惹味，而隻雞本身好滑，鍾意食雞既必讚。花雕蟹陳村粉：正呀，花雕同蟹好夾，而且唔會有濃烈酒味，而係淡淡花雕香，帶出蟹既鮮味，正到暈。陳村粉吸晒味，好難唔好食！生磨杏仁茶：杏仁茶好似好普通，其實好講功夫。磨得好滑，好香，必試！杞子雪糕：本身雪糕太甜，但加左杞子，好似有種清新既感覺，去左之前野食既油膩感。價錢係幾貴，但都算值回票價，d 特別日子想食好d, 絕對會再幫襯。