泰誇張

营业中

休息中

“紅咖喱雞”($72)“椰汁雞湯”($65)“沙嗲串燒6串”($88)“冬蔭炒飯”($108)“泰式生菜包”($88)“烤薄餅(2片)”($32)“Thai Iced Coffee/Thai Iced Milk Tea”($38)屋企附近開咗呢間泰誇張都一段時間😆見開業以嚟都幾多好評,身為街坊點都要試試😝湖水藍嘅門面好搶眼,入到去充滿泰式風情連店員們都係泰國人,嘢食實夠正宗😙點咗幾款菜式share食😋紅咖喱雞夠哂香但唔會好辣而且入口creamy☺️用roti點嚟食超正😍椰汁雞湯味道香濃🥥入口帶點微辣🌶湯入面仲超級多雞肉🐔,菇🍄,香茅☺️食泰菜又點可以唔叫串燒😋半打串燒有齊豬🐷/牛🐮/雞🐔啲肉燒得岩岩好,食落仲好嫩滑☺️冬蔭炒飯大大碟🥰配料仲十分豐富有青口,蝦🦐,魷魚🦑,炒蛋🍳啲飯十分入味,酸酸辣辣咁好開胃☺️最後仲點咗份泰式生菜包😝豬肉粒炒得好夠香😋生菜都好新鮮夠哂爽口🥬飲品方面點咗泰式奶茶同咖啡☕️大大杯飲完好舒服,即刻爽哂🤣