呢度嘅黑松露扁意粉賣相真係好好，入面仲有芝士忌廉加埋啲唔同嘅蘑菇，味道好豐富，香濃可口，麵條又好彈，真係非常之好味。
老婆叫嘅雜菜沙律都係好好味，沙律嘅味道好多元化，微微嘅帶少少酸，更多嘅係蔬菜嘅清香，尤其我最鍾意烤南瓜嘅味道，烤出嚟更加凸顯咗南瓜嘅甘甜，食完回味無窮。
我哋仲叫咗味牛角包窩夫，入面配搭佢哋嘅秘製手撕豬，真係一流，跟住窩夫脆口嘅口感，加埋其他配料，無論喺口感同味道上，都係極致嘅享受。
白咖啡都係一流嘅，我原本以為會好普通，點知飲落同出面普通白咖啡始終有啲分別，咖啡香氣好獨特，微微嘅奶香味令到咖啡更加別緻。
今次體驗真係好好，下次仲會帶老婆嚟食，同時都好推介大家嚟試吓！
