中華麗宮 (已易手) 新餐厅

因為一張海報嘅龍蝦伊麵，就吸咗阿sir入去，入到去見人客稀少，所以成日覺得比班侍應望住，食得唔多自在，不過佢哋嘅眼神係友善嘅，同埋服務都ok嘅。［香芹蘿蔔大鱔煲 $88］⭐️⭐️⭐️大約有8件鱔，唔算厚身，但肉滑入味皮彈牙，味道不錯，白蘿蔔夠甜但唔夠腍，仲有啖啖肉嘅燒肉同香滑冬菇，超抵食［上湯龍蝦伊麵 $188］⭐️⭐️⭐️龍蝦新鮮彈牙，一隻嚟講算大隻多肉，上到枱已斬開小件好方便食，伊麵質感幾好仲非常掛湯，可惜麵份量少咗dd［花生麥米粥］⭐️飯後送嘅甜品，味道唔太甜，不過我唔鍾意食，所以只能比一星，但阿sir兩碗食晒二人共消費：$328