很想 · 一起吃冰 (已結業)

新開呢間甜品主打日式刨冰同芋圓，上網見到其他人打卡幾靚加上好耐冇食所以專程黎試下。甜品店下午6點開到凌晨1點，食完晚飯消化完慢慢去都仲得。點咗一個招牌牛奶冰同日式焙茶冰二人套餐，兩個刨冰賣相都十分滿意，套餐送二人份量芋圓同黑珍珠。配料芋圓同黑珍珠都唔夠味，一定要搭配刨冰。招牌牛奶冰頂頂有個焦糖餅乾，食落有少少苦。刨冰牛奶味好重，刨冰綿得黎唔會太碎。日式焙茶冰相對甜咗少少，不過對於鐘意食甜嘅我啱啱好，唔鐘意太甜嘅朋友可能牛奶冰會啱口味d。