不籽是咖啡 (藝里坊・1號)

今日約左媽咪👩‍👧去西營盤《日月》度按摩💆🏻‍♀️，所以book左隔離嘅《不籽是咖啡》食嘢先。一開始搵唔到(個餐廳名寫得好細隻)，行左2個圈先知呢間就係🤭。
入到去一眼睇哂，用左落地玻璃窗，同埋擺左好多綠植物🪴，環境👍🏻，坐得好舒服。

餐牌如下👇🏻

1

主食

飲品

我地一人嗌左一個麵🍝，同埋我嗌左杯柚子蜜梳打🍹。

味增蟹醬蟹籽蟹肉扁意粉

$138

呢個麵幾好食，推介👍🏻，蟹肉蟹籽rich😝，啖啖都有味，唔好冇味/好乾。份量望落雖小，但食哂都有小小飽肚感。👍🏻👍🏻

乾炒大蝦蒜香意粉

$118

呢個麵係我媽咪嗌嘅，我只係食左小小，我自己就會推介上面果個麵多啲。呢個冇乜話好特別，但當然都唔差🤣。

柚子蜜梳打

$48

杯野飲唔錯，開頭飲落冇味，原來係未攪🤣，之後就好好多，同埋都好解到喝👍🏻。