影片
更多
2017-08-02
1005 浏览
朋友試過尖沙咀既101手工涮涮鍋之後十分回味，聽聞銅鑼灣開左間高級啲既，約埋我一齊去試!位於金朝陽二期29樓，如果唔係有心搵，都比較難啲走上黎食。門面以黑字白燈為主，好有西餐廳既感覺。一入門口就係水吧，見到tender係度整緊飲品，紫燈將餐廳氣氛映照得好迷人😂😂比較少見紫燈吧!店入邊既座位十分寬敞，人多都唔會坐得好逼!而白色既雲石地板加上雲石台，令餐廳感覺上都顯得平靜脫俗。餐廳所有坐位基本上都係對住落地玻璃，完全可以從29樓望到出面既夜景，景觀一流!!我發現餐廳有一個露台位可以睇哂出面既夜景，非常之吸引，一坐低冇耐我同朋友已經忍唔住衝出去影相!!唔講唔覺以為自己去左露天酒吧!估唔到打邊爐都有夜景睇影左一陣相終於同朋友坐定定點野食388一位，任飲任食，除左唔同既台式飲品同沙冰，仲有紅白酒可以飲任，真係比較少見!而湯底都有十款選擇，每一款都係台式湯底，花多眼亂!我未食過所以朋友俾我話事，我見金蟬脫殼個名咁特別，就要左呢個湯底!套餐本身送既野都夠多，仲有可以免費任點既menu，喜歡食貴價牛肉既可以再另外加錢叫海鮮同肉類!免費任點既menu都好多選擇好夠食!仲有一d甜食，唔知用黎打邊爐會有咩效
位於金朝陽二期29樓，如果唔係有心搵，都比較難啲走上黎食。門面以黑字白燈為主，好有西餐廳既感覺。
一入門口就係水吧，見到tender係度整緊飲品，紫燈將餐廳氣氛映照得好迷人😂😂比較少見紫燈吧!
店入邊既座位十分寬敞，人多都唔會坐得好逼!而白色既雲石地板加上雲石台，令餐廳感覺上都顯得平靜脫俗。餐廳所有坐位基本上都係對住落地玻璃，完全可以從29樓望到出面既夜景，景觀一流!!
我發現餐廳有一個露台位可以睇哂出面既夜景，非常之吸引，一坐低冇耐我同朋友已經忍唔住衝出去影相!!唔講唔覺以為自己去左露天酒吧!估唔到打邊爐都有夜景睇
影左一陣相終於同朋友坐定定點野食
388一位，任飲任食，除左唔同既台式飲品同沙冰，仲有紅白酒可以飲任，真係比較少見!
而湯底都有十款選擇，每一款都係台式湯底，花多眼亂!
我未食過所以朋友俾我話事，我見金蟬脫殼個名咁特別，就要左呢個湯底!
套餐本身送既野都夠多，仲有可以免費任點既menu，喜歡食貴價牛肉既可以再另外加錢叫海鮮同肉類!
免費任點既menu都好多選擇好夠食!仲有一d甜食，唔知用黎打邊爐會有咩效果，好期待!
湯底未上，食住少少前菜先!麻辣木耳我覺得一般，因為我比較鍾意爽口既木耳，餐廳整得有d腍，所以冇左咬口
麻辣手撕雞我就覺得味道濃左少少，比較咸，可能個醬太多吧
湯底一上，感覺上比較清淡，因為配料都係蔬菜為主: 冬瓜，西芹，娃娃菜，金菇，洋蔥，蕃茄等等~
店員叫我地要試上冬瓜上邊既雞件! 係預先煮好左放上去做少少調味既，員店十分推介!
而雞件食落咪道真係唔錯!味道香濃得黎冇雪味，而且比較嫩滑。
而我亦都試左啖湯，入口非常清甜!!好香濃既蔬菜湯味同平時食開既港式火鍋，我可以話呢個湯底嬴哂!!
個人覺得打邊爐個湯唔靚，d料幾好都冇用，一黎湯底唔靚起唔到味，甚至影響食材本身既味道，二黎湯底唔好會愈食愈口渴。
而呢個金蟬脫殼!全部都係蔬菜為主，比較健康，而且湯底入口有香甜既蔬菜味，可以話係一鍋好好既蔬菜湯!
係暫時我食過既火鍋店湯底中最好既一個湯底
另外一定要提既就係呢兩款餐廳每日即炸既響鈴同魚皮!部長仲專登走過黎推介佢話每台只有一份，冇得再加，所以每日做既量都唔會多，為免影響質感
響鈴有成個鍋咁長.......利害吧!?呢度既響鈴同魚皮同出邊既大同小異，但唯一唔同佢係佢地同樣地多左一份鬆脆!
出邊食到既，入口係好脆而且卜卜聲，但就係少左一份鬆脆既。
正正因為鬆脆既質感，食落多左一份甘香!
海鮮拼盤都唔少野，有桶蠔，鮑魚，馬刀貝，大蝦同蜆!
隻桶蠔真係唔講得笑，響鈴都差唔多有個鍋咁長，隻蠔竟然有響鈴既一半長度!桶蠔厚身肥美就係人都知，但中間夠唔夠creamy就睇下隻蠔靚唔靚!
我可以話你知呢隻好夠creamy，而且蠔味好重!
鮑魚我就覺得一般，因為鮑魚整體既味道唔太濃，即使係甜都只係淡淡既甜味，唔似蠔或者其他貝殼類有一種獨有既鮮甜。(可能我咁耐都食唔到/我唔識食)
整體上食得出海鮮拼盤每樣食材都係新鮮既!鮑魚，蜆同馬刀貝既肉質都彈牙。
蠔肥美又鮮甜，大蝦爽脆有咬口，唯有唔好就係有少少腥~
另外就係手工火鍋拼盤!墨魚汁鳥結糖，太極冬菇，安格斯霜降牛丸，黑松露蟹子海鮮軍艦，
黑松露蟹肉餃，黑松露芝士豚肉餃，三重芝士鮮製蝦丸，三重芝士鮮製墨魚丸
每樣都係自家製，各有特色!
先講墨魚汁鳥結糖，店員話係手打墨魚滑加上雞軟骨，食落好彈牙，但墨魚既味道唔太濃
太極冬菇睇落幾得意，但食落我覺得味道唔太match，因為有食過冬菇都知冬菇本身有陣獨有既味道
加上蝦滑同墨魚滑一齊食，兩種魚肉既味道都係俾冬菇味搶過
手打丸好彈牙，比較少見豚肉同安格斯既手打丸，味道係唔錯，但安格斯轉左手打，牛味反而無咁濃，都係一塊塊食好d!!
另外既兩款芝士丸都係彈牙為主同埋食到唔錯既芝士味!但味道就冇咩特別，都係一般既丸
而餃入邊，我最鍾意黑松露芝士豚肉餃!豚肉肉味十分濃，加上芝士同黑松露，十分香口!
安格斯牛頸脊肉，切得比較厚身!
涮左兩涮就已經食得!入口好香牛味，而且好有咬口
叫左兩款甜食試下，打邊爐落甜食唔知咩味道
紫薯同地瓜芋丸味道好香，韌性夠幾好咬口，以為落鍋煮完會好咸，但原來都好有甜味!
紫薯水晶包，比紫芋丸更香更甜!仲要皮薄，晶瑩剔透，入邊既紫薯流心非常好味!
因為本身set既配料都好多，食完都好飽。但又想試下d新野，都是但點左幾款配料試下
翠玉龍珠似係龍蝦丸，除左顏色唔同，唔太食得出有咩唔同左
蟹棒就真係非常長，有手掌咁長，呎8吋!
飲品方面點左巨峰提子沙冰同盆栽珍珠奶茶，份量大
沙冰唔太特別，盆栽珍珠奶茶味道好好中間應該係oreo既餅碎扮泥土
而珍珠好夠甜，又夠腍，茶味夠哂香!
火鍋配料入邊，除左肉同菜，我覺得最好食既係油炸類食物，因為呢類食物吸湯能力好強。
如果遇著靚湯底，豆卜生根響鈴必定無限loop!!!如果呢度既響鈴同魚皮可以無限refill，咁一定更多人黎食!
题外话/补充资料：
餐廳既店員全部都著suit，加埋落地玻璃既夜景，真係好似入左酒店既高級餐廳
而且店員有問必答，兩個店員都解答過我對食材同湯底既疑問，對自己餐廳menu入邊既野都十分熟識
另外呢間餐廳既火鍋湯底真係做得非常好，食完唔口渴!我相信其他湯底都唔會差!
聽陪長講尖沙咀分店比較多人點酸菜卜卜蜆，可以一試!
(以上食记乃用户个人意见 , 并不代表OpenRice之观点。)
张贴
