新興食家

新年前裝修嘅新興食家，原來係裝修咗個天花同埋換新冷氣機。休業咗一段時間，我對新興係有所期待嘅，掛住佢啲點心，但係今日食完就好失望。

招牌蝦餃差咗好多，蝦餃皮好厚，啲醃料完全冇鮮味，冇汁、冇筍味！

蝦餃皮好厚

再食埋佢個鮮蝦腸粉，再失望啲！
腸粉粉漿一啲米香都冇，好厚，啲蝦腥嘅！
啲腸粉又冇甜豉油，淨係可以用佢枱面嗰支鹹到死嘅豉油！

鮮蝦腸粉啲蝦腥加

鵪鶉蛋燒賣不知所謂

唯一可以保持水準嘅係佢嘅山竹牛肉

山竹牛肉還可以

好唔鍾意啲餐廳俾人寫咗上小紅書之後，就變得好難食！

鵪鶉蛋燒賣一般

枱面放著鹹死人嘅豉油

1