金田家

呢間拉麵店其實之前都食過，不過印象冇今次咁深刻。佢裝修左之後個場光猛左，menu有冇改過就唔係好記得啦。😂

我地八點幾食都不停有人排隊，似乎都幾受歡迎。

我地兩條友，一人叫左碗拉麵，再叫多兩個小食同野飲。

波子汽水及蘋果汁

波子汽水好懷舊，蘋果汁飲落似係日本蘋果汁，冇死甜味。

辛子黑蒜拉麵

$88

呢個黑蒜拉麵辣辣地好刺激，湯底會heavy少少，但配香蔥木耳一齊食感覺冇咁油膩。

豚骨mix拉麵

$78

我幾中意呢個湯底，唔會太濃，調味岩岩好，勁多木耳香蔥，配拉麵超夾。仲有個义燒，雖然薄身，但肥瘦適中，入口幾香。

大將餃子

$30

餃子都幾足餡，記住點汁食。

唐揚雞塊

$35

呢個真係新鮮炸起熱辣辣，件件雞都咁大塊，真係幾抵食。

想講一下服務唔錯，店員有禮貌。