令 (已結業)

有一班Foodie朋友真好, 可以約埋一齊去試新嘢! 點解會揀呢一間?因為俾佢嘅gimmick 吸引咗, 用上H 碟! 可惜,只有一道甜品係用”名”碟! 哈哈，我哋一行六人, 只係欣賞到一隻H 碟 ，其餘都係V碟 ！餐廳比較細,除咗有間vip房之外,吧枱就只有大概八個位左右!講完題外話, 講返啲食物! 師傅好俾心機去整去present 啲食物 ！壽司不過不失，反而其他比較出色! 尤其是個帶子, 同啲汁加上少少麵好好味! 湯亦好出色好香濃, 仲有值得一讚個甜品絕對有驚喜! 自家製粟米雪糕! 好香濃嘅粟米味, 完全好似喺日本買嗰啲罐裝熱粟米湯咁好好味!算係抵食, 可以一試 ！