時代冰室 (環球工商大廈) (已結業)

用餐當晩應該係團年飯嘅熱門日子 但冰室都非常full... 和朋友二人到達嘅時候 剛好有食客結賬 所以唔使等位... 但我地之後嘅人客就要等luu... 不過翻枱都快...我地一人一個餐... 老火湯同熱飲二選一 我地揀咗湯... (小插曲：同枱嘅伯伯叫咗熱奶茶 見到我地有湯 就同侍應講佢未有湯... 侍應就俾咗一碗佢... 就係咁 伯伯又有湯 又有熱飲... 雖然我地無此待遇 但見到伯伯有湯飲都好嘅...)雞髀肉係滑嘅 雞胸就麻麻... 皮下脂肪唔算多 接受到... 三款醬汁都好食... 係碗飯有D硬... 塊豬扒好厚 感覺幾好... 不過食落唔夠淋... 三隻太陽蛋幾正... 不過都係略嫌飯粒有D硬... 太陽蛋D蛋汁撈埋就好少少...整體黎講 係正常嘅冰室食品... 可以多去醫肚