龍卷風日本料理 (已結業)

男朋友見到呢間手卷店有泰國版玉泉青檸梳打（$12）雙眼發光，所以我順便叫個手卷食。軟殼蟹手卷即場製作，睇起上黎真係幾大隻。因為即場炸，所以都一定脆口。不過由於真係幾大隻下，所以食得有些少狼狽。飯嘅份量一如其他葵廣嘅手卷，都係比較多，但就冇特別覺得酸。因為軟殼蟹有一半突左出黎，所以食到後期會係白飯手卷，但情況都唔算嚴重。建議再外加沙律醬，可以減低油膩感。至於青檸梳打（罐裝），男朋友話居然呢度有得買，有加分。