扇火鍋

营业中

休息中

一放工就落住大雨，喺觀塘附近又唔想走黎走去，見ＡＰＭ隔離開左個新商場，上到去眼見呢間扇火鍋又唔洗等，裝修又骨子，二話不說就入左去，點知...真係好後悔。  先講呢間鋪頭裝修其實幾靚，同其他火鍋放題一樣都係四種不同級別既牛肉可供選擇，而唔同既地方係，佢呢度可以選擇一人一小鍋，即係吉野家果類既爐仔黎打。今次第一次食，就淺嘗左佢最低級果款黎試啦，反正小弟同女朋友都唔太食牛，反而食豬為主。兩碟肉一上到枱，已經發現唔對路。小弟唔算係飲食專家，但豬同牛都明顯唔太新鮮，食落口之後，豬更加夾雜唔少碎骨，而牛肉口感亦都唔太好，應該話係好粗糙。唔講兩款肉，講其他配料。同樣地都有飯，烏東同拉面，三樣主食既質素都一般，比同類既牛涮鍋或者牛一等都差好遠。而蔬菜，唔算新鮮，但同其他食物比較，尚算可以。而丸類...真係唔可建議試，尤其包心丸，味道比自己喺佳寶買既好似重差Ｄ...雪糕更加係一禁出黎就好似已經融緊咁。最後，都想講吓呢度可取既地方，首先飲品種類都幾多，好多人中意飲果隻忌廉溝觧奶都有。另外，店員既服務都算唔錯，我地想轉卡位，一開始供應唔到都盡量同我地諗辦法。但食物方面，真係期望黎緊可以見到有改善！