金裝燉奶佬餐廳 (已結業)

而家百物騰貴，喺深水埗搵間企理少少嘅茶餐廳都50-60蚊個餐，真心貴。今晚行過見到坤哥（吳業坤）賣廣告嘅燉奶佬，$45有個飯，仲連埋凍飲，即管試試先。香茅豬扒煎蛋飯，真係有兩塊豬扒架，不過如果可以跟番西蘭花就更好了。焗菠蘿芝士肉肉醬意粉配西冷牛扒，牛扒就一定無幅相咁大架啦，味道一般，但意粉好乾好硬兩個餐都配凍蘆薈水晶綠茶，味道很淡，冰多料少。今次真係比坤哥「坤」左啦，當買個教訓，下次都係唔好貪平了。