怒茶巷 (已結業)

行完街又到買甜品返屋企既時間, 葵涌廣場最吸引我既甜品係可以揸上手食既班戟, 望到佢地既忌廉班戟真係心心眼, 可惜拎唔到返屋企食。所以就揀比較容易買到又可以擺得下既芝士奶蓋飲品, 係茶芝味同怒茶巷之間做選擇, 最後揀左怒茶巷係因為茶芝味無得加珍珠, 基本上我每次買台式飲品都一定要加配料, 不過睇返怒茶巷D食評, 就算佢地有可以加配料呢個選項, 都無見到其他網友們有加, 原來我既喜好咁奇特。我揀既係🧀芝士大馬士革綠茶加珍珠,  佢地既芝士奶蓋不錯, 份量頗多, 芝士味濃郁, 最鍾意飲夠重身既芝士奶蓋, 因為咁樣先可以明顯咁飲到佢地既層次, 唔會話行兩步就已經唔見左D芝士, 同杯綠茶混為一體, 大馬士革綠茶入口偏甘苦,  雖然我個人不太喜歡苦味但也是可以接受的程度, 再加上煙韌有咬口的珍珠, 各方面的表現也令人滿意。