小茶屋 (已結業)

小茶屋 完全係茶控嘅街頭新寵！茶葉日本直送，有抹茶、焙茶、玄米茶、煎茶四款茶葉。頭三款茶都可配搭鮮奶、朱古力或黑糖珍珠鮮奶，煎茶亦會配搭菠蘿、荔枝等水果 製作成較清新嘅茶飲。自認為濃茶控更可以嘗試極尚純抹茶或焙茶！特別鍾意佢別樹一格嘅拉環式罐裝設計~▪️鮮奶玄米茶 $35完全估唔到凍嘅鮮奶玄米茶 茶香都可以咁突岀！奶味低調，唔會蓋過玄米茶嘅風頭，感覺上以玄米茶為主，飲落無平時嘅鮮奶抹茶咁漏~即使啲冰融左一半都唔會好淡。好肥仔咁嗌左全糖，甜度依然恰到好處！略嫌有少少粉末感。▪️鮮奶焙茶 $35焙茶香氣濃郁，帶烘焙香，奶同茶相當平衡~ 呢杯同樣嗌左全糖，不過甜度就相對鮮奶玄米茶高，建議大家可以嗌少甜。整體嚟講，好難得唔洗去cafe呀coffee shop呀都可以飲到杯高質嘅茶飲。價錢合理，絕對會回頭！有機會都想試埋焙茶朱古力究竟會擦岀啲咩火花。