十八座狗仔粉

营业中

休息中

第二次黎食，依然好多人。因為鋪頭細，位又窄，好少人會選擇坐係度食，就算係，都好快食完就走。食物賣相一般，但鄉村味、街坊味濃。講人情味係好抽象既，講食物質素，的確好岩我同男朋友胃口。我地叫左一個大狗仔粉、細狗仔粉加碗仔翅、同必食鴨脾！！！狗仔粉口感好稔，中間就正常軟度，加上菜圃，充滿特別風味！好食！反而加左翅個碗有啲怪，個人麻！麻地，所以俾識得欣賞個個食。最後上枱既係鴨脾，單睇外表已經好正，男朋友當初都係俾佢吸引過黎。咬落去，油香味慢慢滲出黎，肉質軟硬適中，好香既鴨味，齋食佢都值回票價。佢有分上脾同下脾，但次次下脾都冇哂，所以仲未知下脾有幾正住。另外，我諗呢個地方更襯"佬"一群黎食，因為大大碗粉，加大大隻鴨脾，可以滿足哂佢地快靚正既要求，亦即我男朋友。