時新車仔麵屋 (已結業)

中午時份，冇咩人，老板娘就SELL佢D餸好好味，最後叫左2個3餸麵加美味咖哩汁。1. 豬扒+亦尖+魚角配河粉($15) - 豬扒夠稔，但太咸﹔亦尖入味﹔魚角其實係魚旦，幾好味﹔河粉太碎，唔得。2. 豬紅+牛腩+豬皮配幼麵($16) - 豬紅夠味，牛腩夠稔但略肥，豬皮入味﹔幼麵不錯。3. 熱豆漿($4) - 不會太甜，但冇咩豆味。價錢平，所以份量不算太多，但呢間車仔麵店令我同老婆回想起中學時的回憶。