新記越式牛肉粉

营业中

休息中

街坊越南菜館，一碗粉大約50-60元，沙律小食類都差不多是$50 上下。食粉加$5 有熱飲。我食火車頭金邊粉貪佢樣樣餸都有啲。不過真係樣樣都有少少，餸唔多，金邊粉好多。佢跟粉面自動會俾碗芽菜，青檸，金不換。不過唔好彩，我碗配菜倒咗落我碗麵之後發覺有隻嘢喺度行，細細隻，不過街坊菜館算數啦，我都冇出聲，希望店舖留意番衛生情況。至於小食方面，叫咗幾款，咁我影咗既有雞翼，一份有六隻，味道比較淡，牛油味唔足夠，蒜蓉味較多。沙律就比較失望，醬汁太多，份量唔多，細細一碗。服務方面：因為冇乜需要服務，水係自己拎嘅，其他嘢都放咗喺枱面，不過店員好親切有禮貌。間舖頭好光猛，坐得都舒服。