鴻運食屋

位於德田廣場地下，為屋邨內的小型食店，面積細小，有時還要坐在店舖外面，不過街坊街里就係呢啲地道風味。早上提供傳統中式早餐，有不同的粥品、腸粉、炒麵、油條等可供選擇。午市及晚市主打泰式美食。

今朝嚟食個早餐，我分别揀咗豉油王炒麵$13及蝦米腸$13两款小食。

炒麵份量足，味道不俗，麵身唔會話炒完擺喺度焗到腍晒，完勝連鎖快餐店嘅貨色。

蝦米腸細碟小小，不過夠滑嫩，唔好睇的蝦米咁細粒，但非常香口，全靠佢提升全碟腸粉嘅美味層次。

環境同衛生當然差少少，不過食味道，唔係食環境同服務。