龍門點心廚房 (已結業)

行過路過見到呢間點心舖，入黎一試，點心自助，睇啱咩就攞咩。第一次黎食，點心姨姨好好人幫我地拎到埋位，佢話廢事我地燙親喎。鳳爪，好入味好淋，成碟都係鳳爪無野墊底。雞札，魚肚吸哂汁好味，有厚身冬茹同厚切火腿，件雞肉就連埋皮有啲肥。燒賣，肥豬肉較多，一口油。煎蛋肉餅飯，熱辣辣，撈甜豉油食一流。點心不錯，可惜茶不夠熱，想快快食下點心都ok嘅。