三門仔漁夫火鍋點心專門店 (已結業)

今晚去了石籬邨個邊搵朋友取玩具，跟住本身想出返荃灣個邊食飯，但朋友就帶了來這裡食飯，佢話呢到啲食物質素唔錯，又知道我愛吃，所以就係呢到吃街坊小菜，入到去餐廳地方都十分闊落，裝修都幾古式古香，而當中有副壁畫畫了漁村，一望之下原來係三門仔，而多問之下原來係由大埔三門仔搬到這裡，重有本書介紹添！朋友推介了幾個唔錯嘅招牌菜，招牌炸雞$398(一隻)，價錢同出面嘅炸雞比真係有啲貴，但朋友話必吃，當然朋友推介就一於試吓啦！招牌炸雞一隻上枱，個種炸雞嘅香味已經撲鼻，而夾起時個種皮脆肉嫩軟滑嘅感覺一入口中即時感覺得到，炸雞炸得皮薄香脆，而雞肉嫩滑軟熟，雖然係炸雞，但絕對唔會覺得雞肉會炸得乾身，師傅仍然可以保持到雞肉嘅肉質嫩滑軟熟，呢個雞雖然係就有點貴，但呢個質素就較容易接受！而朋友真係啖啖炸雞，手快有手慢冇！而另一個係個石鍋金銀蒜蟹飯$108，個石鍋內放了原隻膏蟹，而個飯亦放了好多金銀蒜，重點係個石鍋夠晒熱，朋友話先食上面嘅飯先，待會再刮飯焦，原全係兩種味道，首先個飯已經有好香嘅蒜香，喜初飯身係軟熟，但吃完再添嘅飯就受到石鍋嘅熱力關係，飯身變得香脆，加埋個蟹味道真係十分美味，幸好朋友在這裡推介先識叫！