景村雲南米線 (已結業)

慘慘豬，今晚要孤零零一個食晚餐，諗起有間四川米線好耐都冇食過，所以今晚諗住寵幸下佢。夜晚八點幾，裏面都座無虛席。坐低左之後，因為好耐都冇幫襯，所以我都唔記得有乜嘢食，打開Menu睇，都幾多配料揀嘅。最後我叫咗個雞肉豬膶米線，好快就上菜，賣相不錯。米線有點粉粉地，蕃茄湯底味道夠濃郁，豬潤幾彈牙，雞肉就一般般啦，加埋芫荽同埋䓤段，味道都幾好，不過米線份量比較少，男仔可能會唔夠食。最後埋單46蚊，晚餐來說，算好抵！