極品泰國菜館

营业中

休息中

泰菜癮起，尋覓一時終於有間睇圖都流哂口水，即時book位一試。做足功課，知道蒜蓉包出名，一坐低就叫左，仲為左佢叫埋咖哩點汁食。 蒜蓉包不負眾望，酥脆香口，包皮每一邊都好脆口，蒜蓉牛油香到就咁食已經好夠味。 點埋黃咖哩味道又更上一層樓，吸滿湯汁既軟糯又香脆，必點。黃咖哩蝦調味一流，配料都足料，最鐘意食入面既薯仔，略嫌選用雪藏蝦性價比較低。串燒好有驚喜，揀左牛雞各二，惹味、入味又有肉汁，牛都尚且有少少韌，雞真係可謂完美，兩款都係我食過最好食既串燒，下次會all in雞。冬蔭公湯都好正宗，可惜菇落得比較多，唔知係咪因為咁而未算係好強烈刺激既酸辣，如果再重口d就好。