宮葉 パフェ (已結業)

觀塘呢間日式拉麵已經開了一段時間，而且越來越多人食，阿媽話今晚唔煮飯，同我同男朋友三個人去食拉麵啦。我地一行三個人叫了兩碗拉麵同一個飯。關西叉燒拉麵，叉燒好多肥膏，食下去有點油膩。湯底也不錯，濃厚豬骨味。麵都算彈牙。吉野牛肉拉麵，牛肉同連鎖飯店的牛肉相似，肥牛算入味，湯底同叉燒個果一樣。吉列豬扒親子丼配麵豉湯，呢個飯我覺得比拉麵更出色，蛋好滑，吉列豬扒即炸的外脆內嫩，入口鬆化。三個主食份量都算大碟，仲可以加八元飲水果特飲。但阿媽想食甜品，點了綠茶心太軟，中間果個綠茶cream味道較好，但個蛋糕應該焗耐多少少，質感會更好。