強記冰室

营业中

休息中

坐咗四十五分鐘車終於到大澳，即刻揾間冰室食少少嘢先開始遊大澳。冰室無炒粉麵飯供應，只有湯粉麵、三文治、多士。餐廳內大部分都係街坊，坐係兩排卡位，好似時光倒流返去細個去冰室嗰時。而廚房係由伯伯負責，每樣嘢都係伯伯即叫即整。通粉同雞翼係分開上，先上通粉。因為雞翼係即刻生炸，所以雞翼係後上，雞翼炸得香脆，皮薄無雪味，食得出有醃過。雪菜肉絲味道適中唔過鹹，麵係出前一丁。值得一讚公仔麵係煮熟先上枱，唔係只係過一過熱水半生熟咁上枱。樓面嬸嬸見我地無點嘢飲，俾咗一壺熱茶我地，又主動幫我地加水。依種街坊冰室真係越嚟越少！