翠絲小食車

营业中

休息中

本身諗住排隊去玩機動遊戲，但見到人太多，加上而家真係好熱嘅關係，所以就決定食少少野先至再去玩。本身以為呢度一間餐廳都冇，點知見到個小食亭，所以就走埋去睇吓有咩食，見到有好多唔同好靚嘅嘢食賣，全部有七成都係圍繞着呢個主題<反斗奇兵大本營>嘅嘢食，真係好有氣氛呀。因為呢度啲嘢食又唔算食得好飽嘅，而且我又唔係好肚餓。所以到最後我只係買咗一杯菠蘿沙冰，同埋一條玉桂條，仲有三個奶皇包，奶皇包真係好靚全部係三眼仔嘅造型，開頭都唔係好捨得食，但到最後都食晒。個沙冰就比較快溶，所以一買完就要即刻飲，最好食都係枝肉桂條。