三井日韓料理 (已結業)

這個位於兆萬三樓的日韓料理，主打的竟然是蠔放題~ 雖然位於人流擠迫的旺角，但佔地也不少，而且座位都很寬敞~ 甫坐下，店員便送上了這個類似韓食的前菜，有很多小盤 當中有即食的，亦有用作食蠔的醬汁~ 可喜的是這些小食質素都唔錯，係食得入口，仲幾美味，而唔係得個放字~ 有雪糕任食 不過飲品就要加30蚊任飲~ 坐下，店員很快便替你落好ORDER, 而且有紙出，方便睇到叫左咩~ 有一個桶仔同夾，同食蠔用的，很來發現這個桶有點兒少，裝了3個蠔殼已經滿滿，要勞煩店員時常更換~ 這個蠔式任食，包有生蠔同燒蠔任食外，仲有京蔥，番薯仔同蜆任食架~ 想食豪D，仲有其他海鮮叫，不過都係要加錢的~ 蠔任食除左上面的任點外，仲包含一個蠔湯同蠔飯添，真係超飽的~ 蠔湯有很重的蠔味，不過調味過咸了，浪費了這碗湯~ 京蔥和蕃薯仔都係我的燒物至愛，兩者都幾新鮮，蕃薯仔是超甜的~ 蜆的SIZE 唔算大，但肉反而幾大粒，而且係新鮮的 睇住佢一隻隻咁燒到彈開，好得意~ 蜆肉的話第一無沙，第二燒左一段時間都唔韌，幾有驚喜~ 蠔飯用上珍珠米，軟軟綿綿，粒粒都有香香的蠔味，唔會好咸 如果係屋企整呢個飯，我應該可以食到兩碗~ 黎