我是下午大概五點幾入坐，全店連埋我得兩台客， 大叔好好禮貌，縱使我一個人係唔會叫餸食飯，都俾哂所有餐牌我睇，仲有略略介紹一下。
我見有任選食材嘅泡飯，非常符合我當時胃口，就叫了個蠔仔肉碎泡飯， 煮嘅過程都有一段時間，相信係即煮，而不是一早整定嘅👍🏻，蠔仔隻隻飽滿鮮甜，份量亦不少， 湯底好夠未，但食完又唔覺好口渴嘅
。不過呢個時段，我一路食都一路有客入嚟食， 應該都有啲熟客。
等食之時有段小插曲， 另有一位女士埋單後，就在我台旁邊同店員講：「我想同你講⋯⋯⋯⋯你哋啲魚蛋魚片比起XX好食一百倍！」， 我聽到開頭第一句仲以為有乜投訴添😅
好啦，既然係咁，我下次再嚟試下魚蛋魚片先😊
