WM咖啡廳

秋風起，又到左食大閘蟹既季節啊！呢日同屋企人到左西貢食WM Hotel 推出既蟹逅秋意自助晚餐，自助餐有多款蟹肉料理，每位成人於週五至週日可享用一隻鮮甜肥美既大閘蟹，喺週一至週四每位可享焗釀蟹蓋一份，亦可以$88+10%額外享用一隻大閘蟹，感受秋蟹既鮮甜滋味！依家公蟹當造，呢度既蟹大大隻，入面有滿滿金黃色既蟹膏，勁正。除左大閘蟹之外，自助餐亦提供多款新鮮海鮮，包括新鮮生蠔、松葉蟹腳、小龍蝦、海螺、魚生等等，全部都好高質。沙律、凍盤、熟食、甜品等都要多款選擇，甜品更加有任食Häagen-Dazs😍