富粥

講咗好耐食呢間蟹粥！今晚終於付諸實行！夏天大熱天時食生滾粥，店內冷氣都好足夠！

生滾蟹粥：一落單，聽到職員大叫：「啲蟹響雪櫃！」心中有點中伏的感覺！等約十分鐘，生滾蟹粥送到，馬上「嘩」一聲！一只蟹煲一碗粥，目視隻蟹有四両左右。仲要勁多膏，非常實肉。聽到原來雙蟹剛剛今日在附近街市買，冇得彈！

蟹粥

$55

鹹肉糭：舗頭門外，用幾十只糭搭起一個糉山，估計每日銷量驚人！食落又唔錯，不太肥！

1

皮蛋魚片粥：清甜，足料，講完！

布拉碎牛腸粉：腸粉可以，不過碎牛味道勁似山竹牛肉。。。整體可以！

食後不太口渴，證明味精成份不太多！