上海新大眾大閘蟹專門店 (鳳德道)

真係冇諗過一間咁隱蔽嘅餐廳竟然會有驚世嘅美食，蟹粉宴仲要加埋佛跳牆，石鍋蟹黃鵝肝煎蛋飯，鵝肝個厚度厚到嚇死人，真係好值得嚟試。蟹粉春捲係自家製嘅入面嘅餡料夠曬飽滿，炸到外脆內嫩。蟹粉香煎墨魚餅鹹鹹香香幾好味。蟹粉小籠包湯汁滿滿，食多幾隻都唔覺多。蟹粉大灌湯包，呢個真係不得了先甜濃郁嘅湯水加薄薄嘅皮，依家都仲回味回味。蟹黃金撈麵，蟹黃油香鮮甜加埋麵質彈牙，一個字正。重點係呢個蟹粉佛跳牆，海參鮑魚魚翅樣樣齊一啲都冇揸流灘。

1

1