宮葉 パフェ (已結業)

今日同朋友係觀塘行完街，攰攰地，唔想食譚仔、雲桂香呢啲大型連鎖，見宮葉個名幾特別，又未聽過，就入左去。我都唔算好肚餓，所以就叫左一份拉面，一份甜品，一齊食。「一目了然」拉麵點左豬軟骨，一直覺得豬軟骨係好試過一間日本料理店既好壞。呢度既豬軟骨，唔係入口就化，唔洗咬果隻，又唔係舊骨超級硬，仲係白色，未變腍果隻，佢係夾係中間的，仲有小小嚼勁果款，所以感覺都唔錯。不過拉麵就似係進口既，食落同普遍既冇乜大分別，而且個量都唔算多。「可以一戰」緑茶窩夫算係幾值得一食再食！因為佢少有窩夫做到外脆內軟，即叫即整。窩夫咬落冇焦味，緑茶味淡，唔算好突出，但勝左質感好，脆口又唔會好濟。緑茶雪糕冇懸念，呢個唔多提。但旁邊既緑茶忌廉芝士就幾好味，芝士味濃，加埋雪糕同窩夫，算係有三種層次。不過建議個芝士醬可以放係窩夫旁，等客人自己調節每一口既芝士量，感覺會舒服啲。環境算係舒適，兩人去都比我地坐四人枱，價錢成餐飯每人唔洗$50，真係好值得去！