鴻福海鮮四季火鍋 (已結業)

噚晚同阿Will去打邊爐! 勁熱呀對住個炭爐!!!!!!!!!!!!阿Will好興緻勃勃呀,佢覺得用炭爐打邊爐好得意,但我覺得咁熱一d都唔得意囉! (我哋坐出面露天果個AREA), 一邊打邊爐一邊開多一個爐嚟燒嘢食;我哋嗌咗D大蚌,好大隻ga!烤咗一陣,隻蚌開咗就食得,正!!好鮮甜好原始風味,隻隻蚌都好新鮮,有肉汁溢出!好味!桌下有兩隻花貓在遊蕩, 我就夾咗一隻蚌俾佢食!好可愛呀佢哋!個火好猛烈,搞到我哋塊面好紅! 阿Will嗌咗d蠔,都幾鮮甜!我嗌咗阿Will最驚嘅雞腸, 仲要食得好滋味咁,佢一邊好睥睨咁望住我,我用廣東話鬧佢老外特別大驚少怪! 佢唔知我講咩,一臉無奈!d牛肉麻麻哋,黑黑哋唔新鮮。酸梅湯又賣哂,竹蔗水又無,於是唯有飲啤酒囉!我哋飲啤酒,個啤妹不斷咁走來騷擾,好煩呀佢!!服務就麻麻,因為之前叫極都無人理, 埋單就最快有人走過嚟! 埋單兩個人要四百幾, 大排檔嚟講,唔算平囉!