Cocolo Tokyo Cake Factory (利東街) (已結業)

連放三日假最後忍唔住要出街行下抖下氣，去灣仔食完午餐後就去左利東街飲咖啡，飲到想食甜品，每人有兩個胃真係無錯，一個係主餐胃，一個係甜品胃！搵到有間專食賣日本青森蘋果批既鋪頭，店內有兩少張高枱供堂食，見到透明櫃內既蘋果批精美之外，大個差唔多一隻手掌既size除左蘋果批之外，仲有多款蛋糕賣店員話有幾款蛋糕都係新推出，最後我買左一件蘋果批同一件新出既焦糖堅果奶油蛋糕比完錢就忍唔住即刻食左蘋果批先，蘋果批拎起仲係熱，外層金黃色，非常有厚度一咬外層酥脆到不得了，酥皮層次做得酥脆可口，中層既蘋果批餡食落味道好清香，一粒粒蘋果肉口感軟淋適中，分明得黎咬落唔係泥狀，外脆內軟配搭完美，一邊食都唔會覺得果餡酸澀，完全無滯膩感，食完反而有種舒服既感覺焦糖堅果奶油蛋糕未食前都聞到陣陣焦糖香，一食都既有驚喜，焦糖味道同粒粒堅果口感好夾，蛋糕口感綿密鬆軟，夾住奶油香咀嚼味道依然分明，食完亦無滯膩感，估唔到蘋果批同蛋糕一樣有驚喜，值得encore!