影片
更多
2020-01-11
70 浏览
餐廳喺尖沙咀Hit爆新商場K11 Musea。商場成間藝術館咁，餐廳嘅裝潢就和式帶點西洋風格，感覺高格調又舒坦。我哋叫咗個set同拉麵開心share~【日式火炙叉燒豚骨濃湯拉麵$138】湯底超濃厚，仲有好多芝麻、香蔥提味。叉燒厚切肥美，拉麵煙韌，掛湯能力高，忍唔住食到「𠽌𠽌聲」。【Chef’s special menu $698/位】【蟹籽沙律】蟹籽下面係青瓜絲，再喺上面灑咗啲黑芝麻。清新開胃。【刺身】係油甘魚，油甘魚軟滑，油脂豐富，質素非一般。用咗柚子醬油調味，酸酸甜甜，上面仲有細片青椒同香蔥提味。【壽司】係兩款軍艦壽司，材料都堆到滿晒。海膽超鮮甜，高質。吞拿魚蓉就加咗香蔥、洋蔥同芝麻，口感軟棉，魚味濃。【天婦羅盛合】有海膽、海蝦同埋日本野菜——菇、秋葵、青椒等等。新鮮炸出嚟極香脆。配三隻鹽調味——綠茶、岩鹽同咖哩鹽。綠茶帶清香，咖哩鹽就夠惹味。【蒸物】茶碗蒸，熱辣辣兼蛋香味濃。【煮物】招牌昆布花膠涮涮鍋。湯底除咗昆布花膠仲有杞子、蟲草花。鍋料最正係三塊和牛，一入口油脂即刻滲出，口感軟棉，認真不得了。其他配料有皇帝菜、金菇、冬菇、烏冬等等。全部新鮮高質。【甜品】係日本蜜瓜，食落去超鮮
我哋叫咗個set同拉麵開心share~
【日式火炙叉燒豚骨濃湯拉麵$138】湯底超濃厚，仲有好多芝麻、香蔥提味。叉燒厚切肥美，拉麵煙韌，掛湯能力高，忍唔住食到「𠽌𠽌聲」。
【Chef’s special menu $698/位】
【蟹籽沙律】
蟹籽下面係青瓜絲，再喺上面灑咗啲黑芝麻。清新開胃。
【刺身】係油甘魚，油甘魚軟滑，油脂豐富，質素非一般。用咗柚子醬油調味，酸酸甜甜，上面仲有細片青椒同香蔥提味。
【壽司】係兩款軍艦壽司，材料都堆到滿晒。海膽超鮮甜，高質。吞拿魚蓉就加咗香蔥、洋蔥同芝麻，口感軟棉，魚味濃。
【天婦羅盛合】有海膽、海蝦同埋日本野菜——菇、秋葵、青椒等等。新鮮炸出嚟極香脆。配三隻鹽調味——綠茶、岩鹽同咖哩鹽。綠茶帶清香，咖哩鹽就夠惹味。
【蒸物】茶碗蒸，熱辣辣兼蛋香味濃。
【煮物】招牌昆布花膠涮涮鍋。湯底除咗昆布花膠仲有杞子、蟲草花。鍋料最正係三塊和牛，一入口油脂即刻滲出，口感軟棉，認真不得了。其他配料有皇帝菜、金菇、冬菇、烏冬等等。全部新鮮高質。
【甜品】係日本蜜瓜，食落去超鮮甜超多汁，好似食緊蜜瓜味雪糕同時食緊蜜瓜汁咁，超滿足，絕對係神級蜜瓜，要我食成個都得呀。
张贴
