影片
更多
2018-08-16
4976 浏览
80日可以环游世界，咁60日可以做啲咩呢？早前晌「富豪机场酒店」嘅「艺廊咖啡室」就推出咗一个「60日环球美食之旅」自助晚餐，顾名思义，去到9月10日前嘅两个月，自助晚餐嘅主题就喺以环球美食为卖点。虽然（如无意外），无乜机会可以环游到世界，但就可以尝到环球美食，是夜，就同亲友入嚟大擦番一餐，由头食到尾，嚟一场毅力美食之旅，实行美味走天涯。据小弟所知，呢次嘅「环球」喺以8个国家为主题，包括：法国、意大利、德国、加拿大、智利、葡萄牙、越南及菲律宾，每星期轮流推出主题国家嘅精选菜式，分别有冷盘、热食、甜品各3款主题菜，我哋呢晚，就遇上喺加拿大。由于「富豪机场酒店」嘅客人唔少都喺嚟自世界各地，所以，另一特色就喺遇正唔同国家嘅国庆日，就会额外加推当地嘅地道菜式，让客人回味自己国家嘅味道，呢晚，就正正喺新加坡嘅国庆日。不过，就算唔喺主题菜式，佢哋自助餐本身所供应嘅菜式都唔少，而且，享用时间特长，由6:00pm去到10:00pm，绝对适合慢慢食、慢慢坐，以慢活态度去享用嘅自助晚餐。用餐区就分布咗好几个区域，装修比较简洁，且光猛企理，可能楼底唔高，所以，枱櫈嘅编排就唔会太密；加上今晚客人又唔算太多，座位
据小弟所知，呢次嘅「环球」喺以8个国家为主题，包括：法国、意大利、德国、加拿大、智利、葡萄牙、越南及菲律宾，每星期轮流推出主题国家嘅精选菜式，分别有冷盘、热食、甜品各3款主题菜，我哋呢晚，就遇上喺加拿大。由于「富豪机场酒店」嘅客人唔少都喺嚟自世界各地，所以，另一特色就喺遇正唔同国家嘅国庆日，就会额外加推当地嘅地道菜式，让客人回味自己国家嘅味道，呢晚，就正正喺新加坡嘅国庆日。不过，就算唔喺主题菜式，佢哋自助餐本身所供应嘅菜式都唔少，而且，享用时间特长，由6:00pm去到10:00pm，绝对适合慢慢食、慢慢坐，以慢活态度去享用嘅自助晚餐。
用餐区就分布咗好几个区域，装修比较简洁，且光猛企理，可能楼底唔高，所以，枱櫈嘅编排就唔会太密；加上今晚客人又唔算太多，座位嘅安排都较为松动。而食物区算喺集中晌餐厅嘅正中央，分割为唔同区域，以下就逐区逐区慢慢介绍有咩好嘢食。
沙律吧一进入食物区，第一眼见到嘅就喺沙律吧、冷盘、冻海鲜。沙律吧嘅阵容唔差，目测所见，有5款沙律菜、前前后后有超过10款配料、5款酱汁及一啲橄榄油、黑醋，够晒砌出一份丰富而清新嘅DIY田园沙律。
如果你唔想烦嘅，再行过少少，足足有8款预制沙律，啱晒啲唔喜欢花时间搞咁多嘢嘅客人。款式包括：薯仔烟肉沙律、牛油果烧鸡沙律、羽衣甘蓝沙律、蘑菇沙律、意大利蕃茄沙律、新加坡芝麻虾沙律（国庆日菜式）、白豆西芹沙律、粟米绿豆沙律配榛子。
芝士拼盘走到沙律吧嘅尽头，就喺芝士拼盘，虽然睇唔到有纸卡介绍有咩款式，但眼见就应该有4款：英国车打芝士、法国布利芝士、瑞士艾文顿芝士及荷兰艾登芝士，仲有个圆盖罩住，尽量保持卫生。可以配蔬菜条或克力架食，但个人建议就不妨配点面包。
面包篮咁就不如顺便介绍埋佢哋嘅面包篮，位置就摆晌近咖啡机𠮶边，算喺食物区近尾嘅位置。面包篮内有4款欧陆式面包，即喺较有麦香，但质感会硬身少少，此外，上层柜枱仲有啲面包条同细细个嘅软包，旁边更有自动烘焙机，咁就可以食到热辣辣嘅面包啦。
冷盘除咗晌啲沙律中间有烟三文鱼之外，最吸引应该喺啲巴马火腿、莎乐美及杂肉拼盘（冻肉肠），所以，一阵夹碟沙律都加多少少冷盘嘢衬托一下。
老规矩，第一碟一定喺以沙律行先，再拼点冷盘食材，务求开开胃，增加食欲，强化一下战斗力。睇我碟沙律色彩缤纷，样样夹啲，喺咪好正呢？确实，沙律菜好爽脆，淋上意大利汁，酸香清爽，而其他预制好嘅沙律亦调校得味道唔错，配上口感油润嘅巴马火腿，好满意嘅「头盘」。
冻海鲜感觉就比预其失色咗少少，无生蚝或龙虾之类嘅贵价海鲜，不过，仍有帝王蟹脚、面包蟹、翡翠螺、青口、甜虾、大蚬等多款，而且，全晚都不停有补充。
既然冻海鲜嘅款式唔算话好多，一于就一碟过试齐咁多款，自行砌碟海鲜拼盘。长蟹脚几多食，蟹肉鲜甜得嚟唔会太咸；面包蟹亦好好肉地，内里蟹膏唔少，颇香腴；翡翠螺就贪佢肉质爽口，唧啲柠汁就仲好食；甜虾一来够大只，二来口感够弹牙，质素算唔差。
鱼生、寿司去到呢一组嘅枱尾，即喺沙律吧、冷盘、冻海鲜背后就喺鱼生、寿司，以及一啲的骰嘅日式冷点，如冻蕃茄、豆腐，而鱼生有三文鱼、鲷鱼、八爪鱼及吞拿鱼，货色唔算突出，跟亲友一齐试少少就算。
中汤
依晚中汤喺苹果无花果炖猪肉，而炖汤一向喺抢手货，食完两道生冷嘢，喺时候饮个炖汤暖暖胃，个炖汤汤料十足，味道都唔错，入口清甜又清润。
苹果无花果炖猪肉
48 浏览
0 赞好
0 留言
而西汤喺甘笋姜汁鸡汤，一身橙黄色嘅鸡汤属忌廉汤一类，不过，由于只影相，无饮过，就不作评论。
热盘去到中间另一组大长枱，就有十多款热盘，有唔同地道特色，最讨我欢心水就喺焗蚝、烧羊架呢两道菜，此外，仲有肉骨荼（新加坡国庆菜）、香煎三文鱼柳、里昂薯仔、烩杂菜、杨州炒饭、鲜菌扒小棠菜、南乳炆猪手、蒸扇贝……等等。
烤肉另一边厢，喺开放式厨房，长长嘅餐枱摆放多种热食，先介绍喺烤肉，分别喺烧肉眼同烧猪脾，酱汁分别有黑椒汁、沙嗲汁同烧汁，再多配英国芥辣、法国芥辣。食肉兽嘅客人，相信都唔会错过。
泰国菜烤肉旁就轮到数款泰式食物，如泰式青木瓜沙律、泰式凤爪沙律、巴东牛肉、香辣猪肉碎伴生菜、串烧、泰式虾片……等等，喜欢泰国菜嘅朋友可以要少少嚟止吓瘾。
烧味档烧味对我哋香港人唔陌生，尤其去饮茶，更会久唔久食到，故此吸引力喺麻麻。不过，就颇受外国客欢迎，始终佢都喺本土特色食物。反而，烧味档嘅海南鸡饭，就吸引唔少本地客㖞，前枱仲备有辣椒酱、姜蓉、黑酱油，制作绝无欺场。
印度咖喱咖喱亦喺佢哋嘅手本嘢，因为有印度藉厨师座镇，一个个铜锅摆放数款印度美食，计有：鸡豆咖喱、咖喱鱼、印度饭、印度薄饼、多款印度特色酱料，如薄荷酱、乳酪酱……等等。可惜无小弟喜爱嘅马沙拉鸡或天多尼烤鸡。
其他叫得其他，除因为唔知点帮佢分类，亦因为呢3款菜式就好随意放晌一角，佢哋喺肉酱薯蓉、烟肉蒸蛋及焗芝士通粉，睇样其实几样都唔错架。
喺时候上我嘅「主菜」，拣咗大部份肉类，话晒小弟都算算哋食肉兽，烧羊架、烧肉眼、巴东牛肉几样肉类都相当好食；焗蚝亦都不合，喺沙嗲始终摆成晚，效果无咁理想。
即煮面档跟烧味档一样，本地人经常食鱼蛋炒、车仔面，就会觉得啲粉面唔特别，但对外国客而言就完全变成另一回事。故此，目测所见，点粉面嘅都喺外藉客居多，再者，个面档又设计得几有地道风情。3款粉面、12款配料可以自由配搭，但最特色喺3种汤底：越南牛肉汤、新加坡虾汤、马来西亚喇沙汤，以及8种调味用嘅配料，做到一丝不茍。其实都想试，不过，之前几道菜食得过饱，又想留肚食甜品，故此，放弃心爱嘅喇沙汤面。
即煮面档
32 浏览
0 赞好
0 留言
甜品喺意外地有咁多选择，仲分开3个区域，夹夹埋埋超过30款。依家就等小弟逐区介绍，第一区已有10多款甜品，凭相片记录，包括：加拿大冬甩、意大利芝士饼、糖果（专为小朋友而设）、焦糖炖蛋、朱古力慕丝、馅批、啫喱糖、马卡龙、即制班戟、吉士咖吔多士、苹果金宝及窝夫，喺咪净喺呢张枱嘅甜点都够晒你食呢？
隔离另一张餐枱，除有啲生果外，仲有朱古力喷泉、夏日刨冰、红豆沙、豆腐花，不过，几样嘢都唔喺我嘅心水。
甜品嘅款式仲未完，晌雪糕柜旁，仲有其他甜品，计有：朱古力芝士蛋糕、芒果忌廉蛋糕、木糠布甸、黑朱古力蛋糕卷、焦糖炖蛋、芒果布甸、忌廉脆筒、宇治绿茶红豆慕丝、鲜果啫喱粒、草莓乳酪慕丝。喺咪无讲错呢，佢哋供应嘅甜品真喺超多。
识我嘅朋友都知小弟都算喺甜品瘾大，所以，先嚟一大碟甜品拼盘，随心拣咗7款甜点，今次就唔逐样评，但整体质素唔差㖞，尤其件芒果忌廉蛋糕，芒果超清甜，芒果味浓，忌廉蛋糕柔滑软绵；马卡龙做得极有水准，有脆而烟韧嘅口感，渗出清幽绿茶味；朱古力冬甩无死甜，个甜甜圈烟韧有咬口。
Movenpick雪糕压轴就梗喺啲好嘢啦，简直就好似成间Movenpick雪糕嘅Pop –Up店开咗晌度咁，唔止前后都打咗大大只Movenpick字样，雪糕柜上嘅口味名牌，数一数，足足有17款之多，再望望雪糕柜内数一数，坚有17款口味（其中士多啤梨口味喺重复咗）。小弟未食匀全港嘅自助餐，但食自助餐嘅经验唔少，有得10款知名品牌嘅雪糕已经唔多，但有成17款口味嘅真喺第一次见。
Movenpick雪糕
117 浏览
0 赞好
0 留言
先嚟一小碗：瑞士朱古力、枫糖合桃、榛子，Movenpick雪糕本身软滑而颇有奶香，而且，味道浓郁，3款口味都好有个性，尤其枫糖合桃，枫糖𠮶阵甜味好清润，合桃仍然喺脆口。
再追加多一碗：柠檬青柠雪葩、热情果芒果雪葩、焦糖，两款雪葩志在清新一下味蕾，前者十分清爽，柠檬跟青柠嘅味道让人感到好清新；后者则酸香中渗出芒果嘅清甜味，里头仲有少少果肉；焦糖一向喺小弟「飞弗」。其他，十几款真喺好难取舍。
火焰雪山我谂睇完以上甜品一环嘅分享，已经流晒口水，点知甜品环节嘅介绍仲未完，每晚不时有啲「期间限定」嘅特色甜点供应，一听到侍应敲钟，就知有好嘢出现。是夜就有怀旧嘅火焰雪山。大大个嘅「雪山」由厨房推出，淋上冧酒再点火，微微火光，再散发少少酒香，吸引唔少人出嚟围观。
薄薄一片「火焰雪山」，外层嘅蛋白饼脆脆地，外围包住软绵嘅朱古力海绵蛋糕，内里唔喺传统嘅三色雪糕，而喺士多啤梨、薄荷碎朱古力及香桃，配搭又几特别，整体味道唔错。
D24榴梿拿破仑更惊喜喺加推榴梿拿破仑，唔单止酥皮做得超有水准，酥香脆口，咬落咔咔声，而且，里面夹有吉士及D24榴梿果肉，仲要榴梿落得无手紧，爆晒馅，所以，非常好食。不过，唔知边日会出，真喺可遇不可求呀！
D24榴梿拿破仑
41 浏览
0 赞好
0 留言
啡茶咖啡、奶茶、柠茶、柠水任饮任斟，仲有多款味道嘅川宁茶包，就算无果汁，都唔愁饮品无选择。
其实，佢哋都有鲜榨果汁及意大利San Pellegrino出品嘅果汁供应，不过，就喺额外收费嘅项目，故此，现场所见，饮嘅人就唔多。
整体而言，食物嘅选择唔少，而由于客源关系，加入唔少本土特色食物。当然，甜品一环就非常突出，除款式多，又有啲限定甜品，所提供嘅Movenpick雪糕真喺无可挑剔。加上地方够大，服务又唔错，仲可以趁机去埋东荟城行吓Outlet嘛。依家闲日星期一至五，自助晚餐做紧$468 + 10%（成人计），星期六、日及公众假期就$498 + 10%（成人计），不过，用HSBC就有65折，折咗三百几，绝对食得过！
张贴
