瑞士農場 (已易手) 新餐厅

平安夜唔知去邊到食好，見到依間餐廳係中西式之間，啲野食平得黎又幾吸引，就揀咗佢。環境都幾舒適，我地5個人叫咗農夫蕃茄湯長通粉配煙鴨胸瑞士薯餅、瑞士汁豬扒天使麵、法式香煎魚柳飯、法式煉奶烤麵包。首先要贊嘅係瑞士薯餅，佢唔係好似我地一般食嘅薯餅咁，而係一條條切絲嘅薯仔再整成一塊好似網嘅薯餅，用個鐵板裝住，好脆唔多油，又有伴菜同茄汁，一齊食就更加有口感，因為太好味最後我地再叫多一碟。豬扒天使麵同魚柳飯就冇咩特別，同普通嘅西式餐廳一樣。烤麵包就幾香口，不過就寡咗啲。