Triple O's by White Spot (希慎廣場) (已結業)

今日上咗去銅鑼灣希慎既foodcourt，有咁多間嘢食。諗咗一陣，決定試吓呢一間既漢堡包🍔 佢餐牌嘅嘢食唔算好多，不過都包括晒雞牛豬，甚至乎素菜漢堡都有，兼顧素食人仕，都算幾貼心我就叫咗一個雞肉漢堡。呢個漢堡包包括最經典嘅蕃茄同生菜之外，最緊要當然係主角雞肉啦 ！塊雞扒，肉身厚實又大塊，不過我覺得可以再鬆軟少少就更好😮 不過佢個醬汁都幾抵讚👏🏼👏🏼 甜甜地，同塊雞扒個味非常配合。再加上比漢堡包身吸收左，令到成個漢堡包嘅味道多個層次加$29跟餐就有埋薯條同飲品。 個薯條係粗身型，咬起上嚟算係外脆內軟。最重要嘅係新鮮出爐，每一啖都非常熱辣辣。加上少量鹽分，鹹度啱啱好咁熱嘅嘢食，配一個凍檸茶，簡直係絕配！