早前黃大仙店由消防局對面搬咗去後一兩條街嘅鳴鳳街，新淨咗同光猛咗。
蜜汁火方，$105四塊/$198八塊
係有少少貴，但又真心好味
薄薄蒸包嘅軟棉+火華火腿嘅鹹香+蜜糖嘅清甜+薄脆嘅香脆，無敵。
五香牛展（$52）入味
青瓜拉皮（$45）麻醬濃郁，粉皮輕薄爽口彈牙
脆皮素春卷（$36），即叫即炸，熱到辣咀，春卷皮好薄好脆，有一層層嘅口感，零油膩感👍🏻
星期一至五，每日各有兩款不同嘅特價菜式，星期五係麻醬雞（$70）同油炆筍。雞厚肉嫰滑
紅油抄手（$46）八粒，大大粒，皮薄多汁
豆沙鍋餅（$50），又係熱到辣嘴，紅豆餡細滑唔會太甜，外皮薄身香脆冇冧油
豆漿豆味濃郁
星期一至五全日及星期六日午市都免加一
菜式選擇非常豐富，豐儉由人，午市有$50左右嘅客飯套餐
