更多
2018-06-25
2280 浏览
今日要早D番屋企睇波,所以都要早D食晚饭,订定位,5点半准时来到琼华呢间八幡屋,呢栋大厦全食肆,我唔系食过好多间,见呢间评语咁好,即管试下。入到来,因为仲早,得两枱客,坐到啫上下,都有8成满座,不过都建议订位先。餐厅基本上都系卡位,坐得舒服,冷气够。靠门口果边全部都系自取食物,摆放整齐,又不时添加,干净卫生我地呢段时间收费基本系198蚊位,包左火锅、刺身放题任饮任食两个钟,呢个餐本身系跟美国进口牛肉同豚肩肉,但我地再加左30蚊位食埋特选美国牛肉任食,朋友系牛魔王,一定要加埋,肉质好食D。另外见后面张枱食紧个蒸锅,原来佢呢度除左一般汤底,例如猪骨、寿喜烧等,仲有个冲绳海鲜清汤连两层海鲜塔,再加30蚊位升级,于是我地今餐人均连埋加一就284蚊位订左位就可以4选1订座优惠,我地拣左生蚝每人一份。职员先上锅底,清汤底入面有萝白、蚬、鱿鱼等。然后好似一般火锅放题咁写纸仔下单,有刺身、寿司、手卷、烧物、火锅配料等,应有尽有有。因为仲等紧个海鲜塔,所以写左D刺身、寿司食住先。刺身质素都ok,食左三文鱼、八爪鱼、赤贝,冰底上,够新鲜花之恋、火炙蟹棒、鳗鱼、左口鱼寿司味道都唔错,即时整,旧饭都唔会好大旧
我地呢段时间收费基本系198蚊位,包左火锅、刺身放题任饮任食两个钟,呢个餐本身系跟美国进口牛肉同豚肩肉,但我地再加左30蚊位食埋特选美国牛肉任食,朋友系牛魔王,一定要加埋,肉质好食D。另外见后面张枱食紧个蒸锅,原来佢呢度除左一般汤底,例如猪骨、寿喜烧等,仲有个冲绳海鲜清汤连两层海鲜塔,再加30蚊位升级,于是我地今餐人均连埋加一就284蚊位
订左位就可以4选1订座优惠,我地拣左生蚝每人一份。
职员先上锅底,清汤底入面有萝白、蚬、鱿鱼等。
然后好似一般火锅放题咁写纸仔下单,有刺身、寿司、手卷、烧物、火锅配料等,应有尽有有。
因为仲等紧个海鲜塔,所以写左D刺身、寿司食住先。刺身质素都ok,食左三文鱼、八爪鱼、赤贝,冰底上,够新鲜
花之恋、火炙蟹棒、鳗鱼、左口鱼寿司味道都唔错,即时整,旧饭都唔会好大旧。
跟住好快职员就上埋个海鲜塔,都几有份量咁,然后佢帮我地调整好时间,十零分钟计时,个炉停左就食得,好方便。
睇落都几靓仔,第一层里面有四只蚝、两只加左蒜蓉粉丝嘅扇贝、两只大虾、南瓜、豆腐
扁贝加左粉丝蒸,都算几好食,不过要自己加少少豉油先得,否则干。
大虾唔系新鲜,还可以啦。
只蚝有少少过熟,好在都可以接受。
第二层亦都有两只青口、两只大蚌、螺、蚬、冬瓜同萝白片。
只蚌都几大只,不过我觉得呢个时间太耐,蒸到佢老左,有少少浪费。
其余配料不过不失,呢度每位30蚊就唔贵嘅,贪得意可试
呢个套餐嘅三款牛,整体质素都唔错,几腍,薄身好快熟,又唔会好多脂肪
之后我地喺自取区拎左D火锅配料,丸类选择多,另外蔬菜类都系自取。
食到好饱!
落单点左墨鱼滑,弹牙;鱼皮饺都几好食;海虾新鲜过蒸锅入面嘅虾~
佢地仲有烧物,我觉得够新鲜,见到系即烧,点左天妇罗,香脆;另外鸡翼同大葱豚肉串都好香口。
饮品都系自取。
呢度有一部分食物系自取,点嘅食物亦都上齐,速度快;职员亦不时埋来收拾碗碟,服务都唔错。
张贴