Greyhound Café (時代廣場)

营业中

休息中

平时都有去开Gaia group食嘢，佢哋啲Staff服务态度一向平平，但系今次竟然遇到一个非常好嘅体验，令我一定要写食评！话说早几日去左Times Square食lunch，因为要用咗啲coupon佢。我嗌咗杯泰式冻奶茶，奶茶嚟到之后我用匙羹不走啲冰，呢个时候原本企喺reception位置嘅菲律宾籍女员工见到，走来问我系咪唔想要冰？我话系呀！跟住佢竟然主动话叫水吧重新做过一杯俾我，我话唔紧要，但佢非常诚恳咁收走我杯奶茶，然后叫水吧换咗一杯满嘅冇冰俾我。呢个举动令我相当震惊，基本上唔会喺香港普通餐厅里面发生！even平时落单，你叫佢少冰，佢都未必一定会少冰俾你，所以呢一位Staff非常有心，对工作有热诚，希望佢哋公司高层见到，对佢有所赞赏！亦因为佢我会多啲嚟帮衬！