翠園 (新城市廣場一期)

营业中

休息中

坦白講，唔係同親戚食飯都唔會黎食。拜完山黎食個晚飯，食咩都係長輩發板，我都冇咩所謂。最後叫左個set，片皮鴨、鴨湯再揀兩個小菜。最先黎係小菜。咕嚕肉上碟得果細細碟，佔左個碟既一半都冇，同枱你眼望我眼，都唔敢夾多兩舊黎食。重點係碟咕嚕肉只係暖暖地，未講得係熱。我以為得大陸果d圍桌宴先興暖暖地咁上菜，香港既中菜小炒唔係應該熱辣辣咁樣？魚香茄子用鐵煲裝，熱就夠熱，但係份量都係唔算多。而且佢太咸太油，驚你送唔到飯會唔夠飽，食到底見到成層油喺d汁上面。片皮鴨多人叫，等左好奈先黎。片皮鴨其實都係比較油膩既菜式，食多兩塊就已經覺得滯。所以大家食食下鴨都想佢個鴨湯快d黎，可以飲啖湯舒服d。點知，個湯去到同我地一齊落單既隔離枱都飲完，都仲未黎到。最後都要再問多幾次先起到貨。