影片
更多
2022-06-18
241 浏览
別忘了🍲｜荃灣 櫻花樹下 台式火鍋 高質椰子雞湯🥥｜🙈我哋今日去咗荃灣行千色店，諗住睇吓電器，準備搬屋。所以我哋就去咗附近搵嘢食，跟住見到有一間舖頭外面嘅裝修好靚有好多櫻花所以就好好奇究竟係食啲咩，佢哋仲叫自己做別忘了，究竟係別忘了啲咩呢🤣🙊望真啲原來呢間係食打邊爐嘅，仲要係台式火鍋。我哋今次叫咗一個椰子雞湯湯底同埋麻辣鍋，食中間個價$308任食 美國SRF封門柳/澳洲極上和牛。行到入去，店內嘅裝修都好靚全部都係櫻花樹，佢哋仲有得賣一啲台灣手信添🤣坐低咗之後佢哋就好快上咗個鍋啦，我哋就趁而家呢個等待嘅時間去咗夾出邊嘅配菜先🤤，有唔同嘅台灣火鍋配料啦，有菜啦仲見到有嗰啲炸物嘅小食同埋有雪糕🤪😚我覺得個椰子雞湯真係好推介，佢真係好夠濃郁，將啲肉擺落去一陣啲肉已經索曬椰子湯，真係好滋補嘅感覺。我哋就鍾意將啲菜同肉擺落去呢個湯底度，真係好夾㗎，而我哋呢就鍾意將一啲丸類擺喺麻辣鍋嗰度😚😋牛肉方面，肉質都好滑，牛味都重㗎，個人我會比較鍾意極上和牛，因為佢牛味重得黎，牛脂感唔會話太重。另外我覺得鹿兒島梅肉片都有驚喜，鮮味好重，肉質都好嫩滑😎呢度除咗有好多台式嘅火鍋配料，仲有可以任叫台式嘅手搖飲品，佢
｜荃灣 櫻花樹下 台式火鍋 高質椰子雞湯🥥｜
🙈我哋今日去咗荃灣行千色店，諗住睇吓電器，準備搬屋。所以我哋就去咗附近搵嘢食，跟住見到有一間舖頭外面嘅裝修好靚有好多櫻花所以就好好奇究竟係食啲咩，佢哋仲叫自己做別忘了，究竟係別忘了啲咩呢🤣
🙊望真啲原來呢間係食打邊爐嘅，仲要係台式火鍋。我哋今次叫咗一個椰子雞湯湯底同埋麻辣鍋，食中間個價$308任食 美國SRF封門柳/澳洲極上和牛。行到入去，店內嘅裝修都好靚全部都係櫻花樹，佢哋仲有得賣一啲台灣手信添🤣
坐低咗之後佢哋就好快上咗個鍋啦，我哋就趁而家呢個等待嘅時間去咗夾出邊嘅配菜先🤤，有唔同嘅台灣火鍋配料啦，有菜啦仲見到有嗰啲炸物嘅小食同埋有雪糕🤪
😚我覺得個椰子雞湯真係好推介，佢真係好夠濃郁，將啲肉擺落去一陣啲肉已經索曬椰子湯，真係好滋補嘅感覺。我哋就鍾意將啲菜同肉擺落去呢個湯底度，真係好夾㗎，而我哋呢就鍾意將一啲丸類擺喺麻辣鍋嗰度😚
😋牛肉方面，肉質都好滑，牛味都重㗎，個人我會比較鍾意
極上和牛，因為佢牛味重得黎，牛脂感唔會話太重。另外我覺得鹿兒島梅肉片都有驚喜，鮮味好重，肉質都好嫩滑
😎呢度除咗有好多台式嘅火鍋配料，仲有可以任叫台式嘅手搖飲品，佢哋嘅種類都好豐富，我就揀咗一杯芋圓奶綠，茶味好濃奶都香嘅，而小芋圓都幾好味
🍧除此之外呢度仲有多款甜品可以揀，有唔同種類嘅窩夫，窩夫都好鬆軟，外面脆，入面好軟。每個人仲可以食一杯雪糕添～
张贴
