影片
更多
2022-08-09
475 浏览
今日星期日，一於食餐好嘅叉叉電。幾日前喺網上預約咗荃灣大鴻輝嘅佐賀燒肉，試佢嘅LV4 極上和牛海鮮放題。小弟唔係燒肉迷，一嚟食量唔多，二嚟好怕食完一身燒肉味，但係今晚食完，我覺得啦呢間食得過，過一排我都會返去幫襯！(以下評價以5⭐️最高)環境 ⭐️⭐️⭐️⭐️⭐️舖面同座位都好乾淨，我同女朋友被安排坐卡位，夠晒寬敞。間舖冷氣好夠，大熱天時玩室內燒烤都食得好舒服。爐邊抽風系統做得幾好，雖然係燒肉店，但食完都無成身燒肉味。服務 ⭐️⭐️⭐️⭐️待應帶我哋入座會邊行邊介紹邊喥係自助飲料同沙律吧。叫嘢食落單好方便，都係scan QR code睇電子餐單。落完單大約幾分鐘就到，上菜速度都幾快。燒到咁上下會有待應主動幫手換燒網。飲品 ⭐️⭐️⭐️⭐️自助飲品區有多款罐裝汽水及茶任均選擇。雪櫃好夠凍，最怕係餐廳有雪櫃但嘢飲唔凍。另外嘅飲品數量都好充足，不時有人補充。如果想飲酒嘅都可以叫待應額外落單，但今晚就因為揸車所以無叫。食物 ⭐️⭐️⭐️⭐️所有食材都好新鮮，醬料有三款：日式燒肉汁，鹽醬同埋辣醬。大部份嘅生肉都預先醃咗，燒完唔沾汁都夠味。一起爐即刻送上嘅有招牌煙薰壼漬封門柳同埋牛肉九宮格。九宮格嘅賣相好靚，打卡一流！而燒起上嚟每款
(以下評價以5⭐️最高)
環境 ⭐️⭐️⭐️⭐️⭐️
舖面同座位都好乾淨，我同女朋友被安排坐卡位，夠晒寬敞。間舖冷氣好夠，大熱天時玩室內燒烤都食得好舒服。爐邊抽風系統做得幾好，雖然係燒肉店，但食完都無成身燒肉味。
服務 ⭐️⭐️⭐️⭐️
待應帶我哋入座會邊行邊介紹邊喥係自助飲料同沙律吧。叫嘢食落單好方便，都係scan QR code睇電子餐單。落完單大約幾分鐘就到，上菜速度都幾快。燒到咁上下會有待應主動幫手換燒網。
飲品 ⭐️⭐️⭐️⭐️
自助飲品區有多款罐裝汽水及茶任均選擇。雪櫃好夠凍，最怕係餐廳有雪櫃但嘢飲唔凍。另外嘅飲品數量都好充足，不時有人補充。如果想飲酒嘅都可以叫待應額外落單，但今晚就因為揸車所以無叫。
食物 ⭐️⭐️⭐️⭐️
所有食材都好新鮮，醬料有三款：日式燒肉汁，鹽醬同埋辣醬。大部份嘅生肉都預先醃咗，燒完唔沾汁都夠味。一起爐即刻送上嘅有招牌煙薰壼漬封門柳同埋牛肉九宮格。九宮格嘅賣相好靚，打卡一流！而燒起上嚟每款肉都有不同口感，啱晒對食有要求嘅我。
九宮格包極上同埋安格斯牛小排，嚴選牛頸脊同埋牛肩里肌，特上牛肩胛翼板肉，特上牛肋骨肉，極上牛舌，特上褲裙肉同埋極黑和牛三叉肉。每一啖都係一種享受。
食完和牛頭盤梗係叫各類海鮮試吓，話哂係放題，點可以執輸？海鮮我哋都點咗六樣，分別有燒三文魚旗，燒多春魚，鯖魚，牛油清酒煮蜆，帶子等等。最出色係蜆，好香牛油味而且夠肥美，其他嘅海鮮都唔錯。
蔬菜選擇唔多，主要有自助嘅即食沙律菜。而燒得嘅就有冬菇，南瓜，脆肉瓜等等。
食到七七八八，梗係要食甜品啦。自助吧有雪糕同豆腐花，另外仲有幾款蛋糕揀，完美總結咗今晚嘅燒肉放題。
张贴
