18樓雞煲火鍋專門店

营业中

休息中

今晚天气转冷， 又系围炉取暖嘅好时机。 朋友介绍呢间18楼鸡煲火锅， 佢话食过好多次，都保持到水准，所以今次要带我嚟试下。都未够7点， 喺门外已经有几个家人等位， 好彩呢度地方够大，都唔洗好耐就有位了。里面全部已卡位设计，座位十分宽敞。呢度嘅饮品选择都很多， 酱料自己调教 仲有软雪糕。我们先点了一个微辣鸡煲， 鸡件十分嫩滑， 而且好入味，麻辣很香加埋洋葱，味道调较适中， 抵赞！之后梗系加汤开始下半场， 任食火锅！我哋点咗一轮海鲜， 虽然我哋𠮶个系a3 A餐, 都有大海虾，鱿鱼，土鱿，牛柏叶， 是日海鲜系蛏子仔。海虾十分爽口弹牙， 蛏子仔亦十分鲜甜。之后点了两款肥牛，"特级肥牛"牛味较浓厚。 ‘’美国肥牛‘’ 就较为薄身， 轻轻落水一 灼即食。其他午餐肉，芝士肠当然唔少得， 特别要赞嘅系呢度啲猪肚，好爽口而且清洗得十分干净企理。