Vision 8

营业中

休息中

今次係第二次到訪，特登帶個朋友過嚟再食佢嘅威靈頓牛扒，店員好有禮貌又熱情招呼，值得一讚。餐湯麵包餐湯似係蕃茄湯，飲落比較creamy。配既麵包熱辣辣既，佢嘅黑松露牛油真係好正，好香黑松露味，我揸左勁多，好邪惡。西班牙風乾火腿薄餅佢係薄脆既餅底，鋪滿左好鹹香既西班牙火腿，應該係巴馬火腿，中間似係有啲芝士同醬汁，上面仲有好多新鮮嘅火箭菜，餡料口感好夾，記得趁熱食。威靈頓牛扒呢個真係推介，個酥皮好香脆，入邊包咗好多蘑菇醬，入邊嘅牛柳都好軟嫩，又唔會煮得太熟，成個口感非常好，必食推介。