你妳 (運通洋樓) (已結業)

疫情持續左超過一年，又無得去旅行。每個周末唯有四處尋找外地美食，當去旅行。平時食得太多西餐、日本野，所以今日就搵下台灣野食。黎到荃灣，呢間舖就排晒隊等，所以我都排埋一份。等左咁耐，叫左招牌菜—肉鬆芋泥。多士包烘得岩岩好，唔硬唔軟，芋泥微甜，肉鬆鹹味又唔會蓋過芋頭味。整個份量好足，食得飽飽。另外，又叫左碗魯肉飯。叫得飯，唔少得夜市啲炸物拼盤同埋香腸。飯既味道幾好，鹹辣兼備，唔會太濃厚，係台灣既味道呀；半隻溏心蛋又好食，配合一流；加上魯肉處理得好，肥膏位完全唔韌。鹽酥拼盤新鮮炸出，入飯好夾。最後個香腸食落有台灣味道，可以令人一解旅行相思之苦。