Odelice! (海之戀商場)

放工同女友食飯，想食西餐， 諗起朋友介紹荃灣西海之戀一間法國餐廳。岩曬大西北居民放工經過。係海之戀出口一入就到。 叫左2人dinner set $739叫左餐湯同沙律各1，餐湯濃濃的忌廉洋蔥味，加上一小塊法包。沙律是配左沙律醋，食落十分開胃。叫左一杯甜酒同白酒， 配搭食海鮮。小食係虎蝦配左酸種麵包，蝦新鮮亦煎得好香，加上濃蘑菇醬，三樣野搭埋一齊食岩岩好。感覺似食咬一個海鮮蘑菇湯。主菜1•香煎三文魚 配黑松霤什菌燴飯一食落塊三文魚煎得岩岩好， 皮脆， 而且熟度岩岩好，十分嫩滑，魚油極香。而個意大利個飯亦相當出色，好香濃松露磨菇味！主菜2阿根延安格斯牛脊肉牛脊肉好高質，配埋個鸭肝砵酒醬汁，叫左7成熟，食落好淋，一口即開，牛味好香。好牛人士一定唔會失望。其實己經飽曬，個甜品非常吸引！火焰橙酒可麗餅，會係你面前淋上燈酒點火，餅皮牛油香，酒香，加埋雲呢拿雪糕，包埋一齊食，果種冷熱感，即使飽左都係一種享受😋總括呢餐廳食物水準相當不錯，價錢合理。位置亦方便。